ახალი პოლიტიკური მოძრაობა „თავისუფლების მოედანი“ შეიქმნა

1 ივლისს, ლევან ცუცქირიძემ ახალი პოლიტიკური მოძრაობის “თავისუფლების მოედანი” შექმნის შესახებ გააკეთა განცხადება. მოძრაობის წევრები არიან: ბაკურ კვაშილავა, საქართველოს საზოგადოებრივ საქმეთა ინსტიტუტის სამართლისა და პოლიტიკის სკოლის დეკანი; სიმონ ჯანაშია, განათლების ექსპერტი; დავით გზირიშვილი, ექიმი; ოქტაი კაზუმოვი, ფილოლოგი; ირმა ზოიძე, ჟურნალისტი; ზურა ფარჯიანი, საგარეო საქმეთა სამინისტროს პოლიტიკური დეპარტამენტის დირექტორის ყოფილი მოადგილე; გიორგი შაიშმელაშვილი, „სამოქალაქო იდეის“ კვლევის დეპარტამენტის ხელმძღვანელი; და ა.შ.

ცუცქირიძე, რომელიც მანამდე აღმოსავლეთ ევროპის მრავალპარტიული დემოკრატიის ცენტრის (EECMD) აღმასრულებელი დირექტორი იყო, თვალსაჩინო ფიგურა იყო „უცხოელი აგენტების“ კანონის წინააღმდეგ ბოლოდროინდელი საპროტესტო აქციების დროს და საქართველოს რეგიონებში ამ და სხვა თემებზე რიგი შეხვედრები გამართა. EECMD საქართველო ასევე ინტენსიურად მუშაობდა ქართული პოლიტიკური პარტიების ინსტიტუციური შესაძლებლობების გასაძლიერებლად.

მოძრაობის მანიფესტი პირობას დებს, რომ ის იქნება ღია, დემოკრატიული პლატფორმა „საქართველოს ეროვნული ინტერესების დასაცავად და ისტორიული მისიის მისაღწევად“. მანიფესტის თანახმად, მოძრაობა გააერთიანებს „პატრიოტ, პროფესიონალ და პატიოსან მოქალაქეებს თავისუფლებისა და დემოკრატიის გადასარჩენად“. მოძრაობა მიზანია, არ დაუშვას „საქართველოს გადაქცევა რუსეთის გუბერნიად, დავამარცხოთ დღევანდელი ხელისუფლება საპარლამენტო არჩევნებზე, დავამყაროთ რეალური დემოკრატია და მივაღწიოთ ევროკავშირის წევრობას“.

„გვჯერა, რომ მშვიდობის საფუძველი სამართლიანობაა, ხოლო მმართველობის ყველაზე სამართლიანი სისტემა დემოკრატიაა. მიგვაჩნია, რომ ევროკავშირის წევრობა ჩვენი ქვეყნის ისტორიული მისწრაფებებისა და მიზნების აღსრულების საუკეთესო მექანიზმია, საქართველოს დემოკრატიული, სტაბილური და მშვიდობიანი განვითარების გარანტია. გვაქვს მკაფიო ხედვა, როგორ მივიდეთ არჩევებამდე, როგორ დავიცვათ ჩვენი ხმები და როგორ განვაგრძოთ გზა არჩევნების შემდეგ – ეროვნული იდენტობისა და თვითმყოფადობის შენარჩუნებით, ეკონომიკის, ჯანდაცვის, კულტურისა და განათლების განვითარებით, უნიკალური ბუნებისა და გარემოს ეფექტიანი დაცვით“, – ნათქვამია მანიფესტში.

პოლიტიკური მოძრაობა ამბობს, რომ ის ითანამშრომლებს ყველა სამოქალაქო ჯგუფთან, პოლიტიკურ პარტიასთან, და მოქალაქესთან, რომელთანაც ფასეულობები, მიდგომები და მიზნები აერთიანებს. „ჩვენი მთავარი ძალა ცოდნაა, უარს ვამბობთ და ვემიჯნებით ძალადობას. მივმართავთ ბრძოლის მხოლოდ მშვიდობიან და კონსტიტუციურ ფორმებს“, – ნათქვამია მანიფესტში.

ასევე წაიკითხეთ:

• 03/06/2024 – ოპოზიციურმა პარტიებმა ქართულ ქარტიას ხელი მოაწერეს
• 10/02/2024 – პარლამენტის თავმჯდომარის კონსტრუქციული ტონი შხამიან ტყუილებს ნიღბავს

This post is also available in: English (ინგლისური) Русский (რუსული)