სუს-ის თქმით, ოკუპირებულ ცხინვალში საქართველოს ერთი მოქალაქე დააკავეს

საქართველოს სახელმწიფო უსაფრთხოების სამსახურის ცნობით, 1-ელ დეკემბერს, ოკუპირებული ცხინვალის რეგიონში, ჯავის რაიონის სოფელ ვანელის მიმდებარედ „საოკუპაციო ძალების წარმომადგენლებმა, უკანონოდ დააკავეს საქართველოს ერთი მოქალაქე“.

სუს-ის ინფორმაციით, უკანონო დაკავების ფაქტზე „მყისიერად“ გააქტიურდა ცხელი ხაზი და მომხდარის შესახებ აცნობეს ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს.

„საოკუპაციო ძალების მიერ განხორციელებული უკანონო დაკავებები აზიანებს ადგილზე არსებულ უსაფრთხოების გარემოს და უკიდურესად ართულებს ადგილობრივი მოსახლეობის ყოველდღიურ ცხოვრებას“, – განაცხადა სუს-მა.

ასევე წაიკითხეთ:

• სუს-ის ცნობით ოკუპირებულ ცხინვალში საქართველოს ორი მოქალაქე დააკავეს
• სუს-ის ცნობით, ოკუპირებულ ცხინვალში საქართველოს სამი მოქალაქე დააკავეს

This post is also available in: English (ინგლისური) Русский (რუსული)