Placeholder canvas
ახალი ამბები

თავდაცვის ძალების ეროვნულ გვარდიას ახალი მეთაური ჰყავს

საქართველოს თავდაცვის სამინისტროს თავდაცვის ძალების ეროვნულ გვარდიას ახალი მეთაური ჰყავს. პოსტზე პოლკოვნიკი რომან ჯოხაძე დაინიშნა. მან ამ თანამდებობაზე ირაკლი ჭუმბურიძე შეცვალა, რომელიც ეროვნულ გვარდიას 2017 წლიდან მეთაურობდა.

თავდაცვის სამინისტროს ინფორმაციით, პოსტზე დანიშვნამდე რომან ჯოხაძე პოლონეთში, უნგრეთში, სლოვაკეთსა და ჩეხეთში საქართველოს თავდაცვის ატაშე იყო. ასევე, სხვადასხვა დროს, მას თავდაცვის ძალებში გენერალური შტაბის უფროსის მოადგილის, J2 დაზვერვისა და სამხედრო დაზვერვის დეპარტამენტების უფროსის თანამდებობები ეკავა.

რაც შეეხება ირაკლი ჭუმბურიძეს, თავდაცვის უწყებაში განმარტავენ, რომ იგი საქმიანობას კვლავ თავდაცვის ძალებში გააგრძელებს, თუმცა რა მიმართულებით, არ აკონკრეტებენ.

This post is also available in: English (ინგლისური) Русский (რუსული)

მსგავსი/Related

Back to top button