ახალი ამბები

მამუკა ბახტაძე ეკონომიკის მინისტრის გათავისუფლების მიზეზებზე საუბრობს

Tags

პრემიერ-მინისტრმა მამუკა ბახტაძემ 19 აპრილს გამართულ ბრიფინგზე, ეკონომიკის და მდგრადი განვითარების მინისტრის გიორგი ქობულიას თანამდებობიდან გათავისუფლების შესახებ მოკლედ ისაუბრა.

ბახტაძემ აღნიშნა, რომ ქობულია „ძლიერი ეკონომისტი და პროფესიონალი ანალიტიკოსია“, რომელმაც საქართველოს განვითარების მნიშვნელოვანი სტრატეგიები შექმნა, რომელიც მომავალში გამოგვადგება“.

თუმცა, პრემიერ-მინისტრმა ხაზი გაუსვა, რომ „ჩვენ ახლა გვჭირდება სწრაფი გადაწყვეტილებები, რომელიც ემსახურება ჩვენი საზოგადოების, მეწარმეების ინტერესებს“.

ბახტაძემ მედიის ინფორმაცია მედიის მიერ გავრცელებული ინფორმაცია უარყო, რომ თითქოს ქობულიამ პოსტი პრემიერ-მინისტრთან უთანხმოების გამო დატოვა. მისი თქმით, ისინი გადაწყვეტილების გამოცხადებამდე შეხვდნენ ერთმანეთს და ამასთან დაკავშირებით პრობლემა არ ყოფილა.

პრემიერ-მინისტრმა ახალი მინისტრის შესახებაც ისაუბრა და აღნიშნა, რომ ნათია თურნავა კერძო და საჯარო სექტორში მუშაობის სერიოზული გამოცდილების მქონე მაღალი დონის პროფესიონალია, რომელიც მისივე რწმენით, „წარმატებით გაართმევს თავს დაკისრებულ მოვალეობას“. ბახტაძის თქმით, ეკონომიკის ახალ მინისტრს „აქვს სწორი აღქმა იმ სოციალური რეალობის, რომელიც არის დღეს ქვეყანაში“.

კითხვაზე განხორციელდება, თუ რა რაიმე საკადრო ცვლილებები ახლო მომავალში, პრემიერ-მინისტრმა უპასუხა: „თუ რომელიმე მინისტრი იმ ტემპს ჩამორჩება, რაც აუცილებელია იმისთვის, რომ საზოგადოებას ვაჩვენოთ ის შედეგი, რასაც შევპირდით, ბუნებრივია, გადაწყვეტილება არ დააყოვნებს. ამ ეტაპზე, არანაირი საკადრო ცვლილება არ განიხილება“.

გიორგი ქობულია ერთ-ერთი იმ სამი მინისტრთაგანი იყო, რომლებიც მთავრობაში 2018 წლის ივლისში, მამუკა ბახტაძის პრემიერად დანიშვნის შემდეგ მოვიდნენ. მედიაში მისი თანამდებობიდან წავლის შესახებ ინფორმაცია დიდი ხნის განმავლობაში ვრცელდებოდა, თუმცა ამის კონკრეტული მიზეზი არასდროს დასახელებულა.

ამ გადაწყვეტილებამდე ერთი კვირით ადრე ქართული ოცნების ლიდერმა ბიძინა ივანიშვილმა განაცხადა, რომ მამუკა ბახტაძის მთავრობა ეფექტიანად მუშაობს, თუმცა „იქ შეიძლება რომელიღაც მინისტრთან იყოს პატარა კითხვები“.

This post is also available in: English (ინგლისური) Русский (რუსული)

Related Articles

Back to top button