პრეზიდენტის პრესსპიკერი: ‘კრიმინალური შემთხვევა’ ვერ გააფუჭებს ურთიერთობებს ისრაელთან

ორი ისრაელელი ბიზნესმენის გასამართლება "ვერ დაასუსტებს მტკიცე კავშირებს“ საქართველოს და ისრაელს შორის, განაცხადა პრეზიდენტის პრესსპიკერმა მანანა მანჯგალაძემ 5 აპრილს.

"ეს არის სახელმწიფოთაშორისო საკითხი და ის გადაწყდება სასამართლოს გზით; ამასთან გვჯერა, რომ ამგვარი კრიმინალური შემთხვევები ისეთ მტკიცე ურთიერთობებსა და კავშირს, როგორიც არსებობდა და არსებობს საქართველოსა და ისრაელის სახელმწიფოებს შორის, ჩრდილს ვერ მიაყენებს და ვერ დაასუსტებს,“ – განაცხადა მან. 

პრესსპიკერმა ასევე განაცხადა, რომ პრეზიდენტს შეუძლია შეიწყალოს არა მარტო ისრაელელი ბიზნესმენები, არამედ ნებისმიერი მსჯავრდებული და "ეს არის პრეზიდენტის კონსტიტუციული უფლება“.      

This post is also available in: English Русский