ამერიკული სამხედრო ხომალდი ბათუმს სტუმრობს

აშშ–ის სამხედრო–საზღვაო ძალების ხომალდი "GONZALEZ"–ი (DDG-66) 29 ნოემბერს ბათუმის პორტში შევიდა. 

სამხედრო ხომალდი და მისი ეკიპაჟის წევრები, რომელთაც საქართველოს სასაზღვრო პოლიციის სანაპირო დაცვის და აჭარის ხელისუფლების წარმომადგენლები მასპინძლობენ, საქართველოში 2 დეკემბრამდე დარჩებიან.

"იგეგმება ხომალდის ეკიპაჟის და სანაპირო დაცვის თანამშრომელთა ერთობლივი თეორიული და პრაქტიკული ტრენინგები,“ – განაცხადა სასაზღვრო პოლიციამ და დასძინა, რომ  ვიზიტის ფარგლებში ასევე დაგეგმილია სხვადასხვა სახის კულტურული ღონისძიებები.

This post is also available in: English (ინგლისური) Русский (რუსული)