ვაშაძე თურქეთს სტუმრობს
საქართველოს საგარეო საქმეთა მინისტრი გრიგოლ ვაშაძე 26-27 აპრილს ორდღიანი ოფიციალური ვიზიტით თურქეთს სტუმრობს.
ვიზიტის ფარგლებში გრიგოლ ვაშაძე შეხვდება თავის თურქ კოლეგას აჰმედ დავუთოღლუს და პრეზიდენტ აბდულაჰ გიულს, იტყობინება საქართველოს საგარეო უწყება.
”თურქეთი საქართველოს ერთ-ერთი ყველაზე მნიშვნელოვანი და სტრატეგიული პარტნიორია. პოლიტიკური და მეგობრული ურთიერთობების გარდა ჩვენ თურქეთთან გვაქვს განსაკუთრებული სავაჭრო ურთიერთობები,” – განაცხადა საქართველოს საგარეო საქმეთა მინისტრის მოადგილემ ნინო კალანდაძემ ორშაბათს გამართულ ბრიფინგზე. ”განხილული იქნება ჩვენთვის აქტუალური ყველა საკითხი, მათ შორის, თანამშრომლობა საერთაშორისო ორგანიზაციების ფარგლებში, სადაც თურქეთის აქტიური მხარდაჭერა გვჭირდება”.
This post is also available in: English (ინგლისური) Русский (რუსული)
