ქართველი სამხედროები ავღანეთში მიემგზავრებიან

საქართველოს სახმელეთო ჯარების მეორე ქვეითი ბრიგადის 23-ე ბატალიონის ასეული დღეს ავღანეთში, ნატოს საერთაშორისო ოპერაციაში მონაწილეობის მისაღებად გაემგზავრება, იტყობინება თავდაცვის სამინისტრო.

ამერიკული ინსტრუქტორების მიერ მომზადებული ასეული ავღანეთში ფრანგულ კონტიგენტთან ერთად იმსახურებს. საფრანგეთს 3 ათასზე მეტი სამხედრო ჰყავს განთავსებული ავღანეთში, ძირითადად ქაბულის ჩრდილოეთით, კაპისას და სურობის მიდამოებში.

გაზაფხულზე საქართველო დამატებით ერთ ბატალიონსაც გააგზავნის, რომელიც ამერიკული სარდლობის ქვეშ იმსახურებს, რის შედეგადაც საქართველოს ავღანეთში სულ 800-მდე სამხედრო მოსამსახურე ეყოლება.

This post is also available in: English (ინგლისური) Русский (რუსული)