სოხუმი ჩრდილოეთ კვიპროსში წარმომადგენლობის გახსნას აპირებს

სოხუმი ჩრდილოეთ კვიპროსის თურქულ რესპუბლიკაში წარმომადგენლობას გახსნის. ეს გადაწყვეტილება თვითგამოცხადებული აფხაზეთის დე ფაქტო საგარეო საქმეთა მინისტრის მოადგილის მაქსიმ ღვინჟიას 5-8 იანვარს  განხორციელებული ვიზიტის შედეგად იქნა მიღებული, იუწყება ”აფსნიპრესი”.

ვიზიტის ფარგლებში ღვინჯია თვითგამოცხადებული ჩრდილოეთ კვიპროსის ხელმძღვანელობას და აფხაზურ დიასპორას შეხვდა. ჩრდილოეთ კვიპროსში 500-მდე აფხაზი ცხოვრობს.

”ჩვენ საერთო ინტერესების გვაქვს და დაინტერესებული ვართ ჩვენი დამოუკიდებლობის საერთაშორისო აღიარებით,”- განაცხადა ღვინჯიამ.

სოხუმის დე ფაქტო ხელისუფლება ასევე გეგმავს სხვა არაღიარებულ რესპუბლიკებთანაც, მათ შორის ტაივანთან,  ურთიერთობების გააქტიურებას.

This post is also available in: English (ინგლისური) Русский (რუსული)