ახალი ამბები
ოთხი სადამკვირვებლო ორგანიზაცია მედიაცენტრს აყალიბებს
ოთხი სადამკვირვებლო ორგანიზაცია შეთანხმდა წინასაარჩევნოდ, არჩვნების დღეს და არჩევნების შემდგომ პროცესებში კოორდინაციის აუცილებლობაზე და 26 დეკემბერს მედიაცენტრი ჩამოაყალიბა.
ოთხმა ორგანიზაციამ – საქართველოს ახალგაზრდა იურისტთა ასოციაცია, სამართლიანი არჩევნებისა და დემოკრატიის საერთაშორისო საზოგადოება, საერთაშორისო გამჭვირვალობა – საქართველო და ახალი თაობა – ახალი ინიციატივა – განაცხადა, რომ მედია ცენტრის მიზანია 2008 წლის 5 იანვრის საპრეზიდენტო არჩევნების მონიტორინგის შესახებ ”დროული და სანდო ინფორმაციის გავრცელება, საარჩევნო პროცედურებთან დაკავშირებით ამომრჩევლებისთვის კონსულტაციის გაწევა და მათგან შესაძლო დარღვევების შესახებ ინფორმაციის მიღება”.
მედია ცენტრს ფინანსურ მხარდაჭერას “ფონდი ღია საზოგადოება – საქართველო” უწევს.