ახალი ამბები
სააკაშვილი იუშჩენკოს შეხვდა
საქართველოს პრეზიდენტი მიხეილ სააკაშვილი, რომელიც ლიტვაში ბალტიისპირეთის და შავი ზღვის რეგიონების ლიდერთა სამიტს ესწრებოდა, 4 მაისს უკრაინელ კოლეგას ვიქტორ იუშჩენკოს შეხვდა.
პრეზიდენტის პრესსამსახურის ინფორმაციით, ორი ქვეყნის პრეზიდენტმა საქართველოსა და უკრაინაში შექმნილ პოლიტიკურ ვითარებაზე, ორმხრივი ურთიერთობებისა და სავაჭრო-ეკონომიკურ თანამშრომლობის გაღრმავებაზე ისაუბრეს. ასევე განიხილეს ენერგეტიკის, რეგიონული პოლიტიკისა და უსაფრთხოების საკითხები.
საქართველოს პრეზიდენტმა უკრაინელ კოლეგასთან საუბრისას, კიდევ ერთხელ დაადასტურა, რომ მონაწილეობას მიიღებს მაისის ბოლოს კიევში დაგეგმილ სუამის სამიტზე.