ახალი ამბები
თბილისი თელ-ავივში მომხდარ ტერაქტს გმობს
საქართველოს საგარეო საქმეთა სამინისტრო გმობს 17 აპრილს თელ-ავივში პალესტინური ტერორისტული დაჯგუფებების მიერ უდანაშაულო მოქალაქეების წინააღმდეგ განხორციელებულ ტერორისტულ აქტს.
საქართველო უარყოფს ტერორიზმის ყველანაირ ფორმას და გამოვლინებას. “დარწმუნებულნი ვართ, რომ არანაირი პოლიტიკური მიზანი არ ამართლებს ამგვარ საშინელ აქტს“, – ნათქვამია საგარეო უწყების განცხადებაში.
თბილისი გამოხატავს შეშფოთებას ისრაელსა და პალესტინას შორის ძალადობის ბოლოდროინდელი ესკალაციისა და სამშვიდობო პროცესის შეფერხების გამო და მოუწოდებს პალესტინის მთავრობას შეწყვიტოს ძალადობა და გააგრძელოს კონსტრუქციული დიალოგი ისრაელთან.