ახალი ამბები
ელექტროგადამცემი ხაზი “კავკასიონი” ავარიულად გაითიშა
დღეს, მაღალი ძაბვის ელექტროგადამცემი ხაზი “კავკასიონი“ მას შემდეგ გაითიშა, რაც კოდორის ხეობაში, სოფელ საკენთან დაუდგენელმა პირებმა ცეცხლსასროლი იარაღით ხაზი დააზიანეს.
სათბობ-ენერგეტიკის სამინისტრო ამ ფაქტს დღეს თბილისის N5 საპყრობილეში პატიმართა ბუნტს უკავშირებს. ამ ფაქტთან დაკავშირებით მოგვიანებით სათბობ-ენერგეტიკის მინისტრი ნიკა გილაური სპეციალური განცხადების გაკეთებას გეგმავს.
რუსეთ-საქართველოს ენერგოსისტემების დამაკავშირებელი ხაზის “კავკასიონის“ საშუალებით საქართველო 20-30 მგვტ რუსულ ელექტროენერგიას იღებდა. თუმცა 28 მარტიდან ამ რაოდენობის ზრდა იგეგმებოდა იმის გამო, რომ ენრგურჰესი სარეაბილიტაციო სამუშაოების გამო უნდა გათიშულიყო.