თავდაცვის მინისტრი ბულგარეთს სტუმრობს

თავდაცვის მინისტრი ირაკლი ოქრუაშვილი თავდაცვის სამინისტროს დელეგაციასთან ერთად ორდღიანი ოფიციალური ვიზიტით დღეს ბულგარეთში გაემგზავრა.

თავდაცვის სამინისტროს ინფორმაციით, ირაკლი ოქრუაშვილსა და ბულგარეთის თავდაცვის მინისტრს ვესელინ ბლიზნაკოვს შორის დაგეგმილ შეხვედრაზე საქართველო-ბულგარეთს შორის ორმხრივი თანამშრომლობის საკითხები განიხილება.