ახალი ამბები
რუსეთი შსკ-ს სხდომის მოსკოვში ჩატარების ინიციატივით გამოდის
რუსეთი ოთხმხრივი შერეული საკონტროლო კომისიის (შსკ) სხდომის ვენაში ჩატარების ნაცვლად მოსკოვში ჩატარების ინიციატივით გამოდის, იტყობინება “რია ნოვოსტი“ რუსეთის საგარეო საქმეთა სამინისტროს წარმომადგენლის სიტყვებზე დაყრდნობით.
შსკ-ს შეხვედრის ჩატარება 20-21 თებერვალს ავსტრიის დედაქალაქში იგეგმებოდა.
“დაძაბული ვითარების ფონზე [სამხრეთ ოსეთის კონფლიქტის ზონაში] მხარეები მაქსიმალურად ახლოს უნდა იყვნენ ადგილთან [კონფლიქტის ზონასთან]“, – განაცხადა რუსმა დიპლომატმა.
მისი თქმით, მოსკოვში ვიზიტად მყოფ საქართველოს სახელმწიფო მინისტრს კონფლიქტების მოგვარების საკითხებში გიორგი ხაინდრავას ეცნობა ამ წინადადების თაობაზე და ის განიხილავს ამ საკითხს საქართველოს ხელმძღვანელობასთან შაბათს.