ლავროვი: რუსეთი მხარს უჭერს საქართველოს ტერიტორიულ მთლიანობას

რუსეთის საგარეო საქმეთა მინისტრმა სერგეი ლავროვმა ტელეკომპანია НТВ-სთან ინტერვიუში 14 ნოემბერს განაცხადა, რომ მოსკოვი აფხაზეთისა და სამხრეთ ოსეთის კონფლიქტების სწრაფი გადაწყვეტის გზებს ეძებს.

კითხვაზე ცნობს თუ არა მოსკოვი სამხრეთ ოსეთსა და აფხაზეთს საქართველოს შემადგენელ ნაწილებად, ლავროვმა უპასუხა, “რუსეთი მხარს უჭერს საქართველოს ტერიტორიულ მთლიანობას”.

“საქართველოს მიერ კონფლიქტების დარეგულირებისათვის კონკრეტული ვადების დაწესება შეუძლებელთან ერთად უსარგებლოცაა. ქართულ-ოსური, ისევე როგორც ქართულ-აფხაზური კონფლიქტები არსებული მექანიზმების ჩარჩოებში უნდა გადაწყდეს”, დასძინა ლავროვმა.

This post is also available in: English (ინგლისური) Русский (რუსული)