საქართველოს რკინიგზას ახალი ხელმძღვანელი ჰყავს

„საქართველოს რკინიგზის“  უფროსის თანამდებობაზე დავით ონოფრიშვილი დაინიშნა.

მისი წინამორბედი ლევან ვარშალომიძე ამჟამად აჭარის დროებით საპრეზიდენტო საბჭოს ხელმძღვანელობს.

დავით ონოფრიშვილს 1998-2000 წლებში ფინანსთა მინისტრის პოსტი ეკავა. ახალ თანამდებობაზე დანიშვნამდე იგი ამერიკის შეერთებული შტატების ვანდერბილტის უნივერსიტეტის ეკონომიკის ფაკულტეტზე კითხულობდა ლექციებს.