საქართველო-თურქეთის საზღვარზე საბაჟო პროცედურები მარტივდება

თურქეთში ოფიციალური ვიზიტიდან დაბრუნებულმა პრეზიდენტმა მიხეილ სააკაშვილმა საბაჟო პროცედურების გამარტივების ბრძანება გასცა 24 მაისს სარფის საბაჟო-გამშვები პუნქტის მონახულების დროს.

შედეგად ცალკეული საკონტროლო-გამშვები პუნქტები, რომლის გადალახვაც მოქალაქეებს საქართველო-თურქეთის საზღვრის გადაკვეთისას უხდებოდათ, საერთოდ გაუქმდება.

სტამბოლში, თურქეთის ბიზნესწრეებთან შეხვედრაზე 21 მაისს პრეზიდენტმა სააკაშვილმა განაცხადა, რომ სავიზო რეჟიმი და საბაჟო პროცედურები საქართველოსა და თურქეთს შორის საგრძნობლად გამარტივდება.