პარლამენტის პირველი სხდომა გადაიდო

ახალი პარლამენტის პირველი სხდომა, რომელიც 21 აპრილს იყო დაგეგმილი, გადაიდო. პირველი სხდომის ზუსტი თარიღი ჯერ-ჯერობით უცნობია.

პრეზიდენტი სააკაშვილი სავარაუდოდ 22 აპრილს შეხვდება მმართველი პარტიის „ნაციონალური მოძრაობა – დემოკრატების“ წარმომადგენლებს, რომელთაც უმრავლესობა მოიპოვეს პარლამენტში, და მათთან ახალი პარლამენტის საქმიანობასთან დაკავშირებულ საკითხებს განიხილავს.

პარლამენტის თავმჯდომარემ ნინო ბურჯანაძემ 20 აპრილს განაცხადა, რომ აჭარაში არსებული სიტუაცია პარლამენტის სხდომის დღის წესრიგის მთავარი საკითხი იქნება.    

This post is also available in: English (ინგლისური) Русский (რუსული)