ახალი ამბები
სააკაშვილი: მოღალატე გენერალი დაისჯება
დღეს პრეზიდენტი სააკაშვილი ბათუმში განთავსებული 25-ე ბრიგადის იმ 17 ოფიცერსა და ჯარისკაცს შეხვდა, რომლებმაც უარი განაცხადეს დამორჩილებოდნენ თანამდებობიდან გადაყენებულ ბრიგადის მეთაურს გენერალ რომან დუმბაძეს.
“თქვენ ხართ პარტრიოტები რადგან უარი თქვით დამორჩილებოდით მოღალატეს. ყველა მოღალატე უმკაცრესად დაისჯება,” – მიმართა სააკაშვილმა ბათუმიდან თბილისში წამოსულ 17 სამხედრომოსამსახურეს.
თავდაცვის მინისტრმა გელა ბეჟუაშვილმა 25-ე ბრიგადის მეთაურის პოსტიდან რომან დუმბაძე 1 აპრილს გაანთავისუფლა, თუმცა იგი ბრძანებას არ დაემორჩილა და კვლავ აგრძელებს პოსტზე ყოფნას.
19 აპრილს გამართულ პრესკონფერენციაზე რომან დუმბაძემ განაცხადა, რომ იგი ემორჩიელბა აჭარის ლიდერს ასლან აბაშიძეს და მას მთავარსარდლად ასახელებს.