ცესკო-მ არჩევნების შედეგები დაამტკიცა
ცესკო-მ არჩევნების საბოლოო შედეგი 11 ხმით დაამტკიცა 2-ის წინააღმდეგ. |
საბოლოო შედეგების მიხედვით, მმართველმა პარტიამ ხმათა 66,24% მიიღო, „მემარჯვენე ოპოზიციამ“ – 7,96%.
დანარჩენი 10 პარტია და 4 ბლოკი პარლამენტს მიღმა დარჩა, მათ შორის აჭარის ლიდერის ასლან აბაშიძის პარტია „დემოკრატიული აღორძინების კავშირი.“
სხვა პარტიებზე ხმები შემდეგნაირად გადანაწილდა:
ლეიბორისტები – 6,01%
აღორძინება – 3,89%
თავისუფლება – 4,39%
ედპ-ტრადიციონალისტები – 2,55%
ერთობა – 2,47%
შემაჯამებელი ოქმს ცესკო-ს 15 წევრიდან 11-მა დაუჭირა მხარი. ოქმის დამტკიცების წინააღმდეგ აღორძინების ორი წევრმა მისცა ხმა. ლეიბორისტების წარმომადგენელმა სხდომა დატოვა. ლეიბორისტები შედეგების უზენაეს სასამართლოში გასაჩივრებას აპირებენ. ცესკო-ს ერთი წევრი სხდომას არ ესწრებოდა.
არჩევნების შემაჯამებელ ოქმში არ შესულა ხულოსა და ქობულეთის საარჩევნო ოლქების შედეგები, რომელიც ცესკო-მ 2 აპრილს გააუქმა. განმეორებითი არჩევნები ამ ორ ოლქში 18 აპრილისთვის იყო დანიშნული, თუმცა ჩატარება ვერ მოხერხდა აჭარის ადგილობრივი ხელისუფლების წინააღმდეგობის გამო.