სომხეთის უშიშროების საბჭოს მდივანი საქართველოში ჩამოვიდა
სომხეთის ეროვნული უშიშროების საბჭოს მდივანი და თავდაცვის მინისტრი სერჟ სარქისიანი დღეს ოთხდღიანი ვიზიტით თბილისში ჩამოვიდა.
ვიზიტის ფარგლებში მხარეები რეგიონალური უსაფრთხოებისა და სოჭი-თბილისი-ერევანის სარკინიგზო მაგისტრალის აღდგენის საკითხებს განიხილავენ.
„მე გავიცნობ ჩემს ქართველ კოლეგებს და მომავალი თანამშრომლობის პერსპექტივებს განვიხილავ მათთან ერთად. სოჭი-თბილისი-ერევანის სარკინიგზო მაგისტრალის აღდგენას სომხეთისთვის უდიდესი მნიშვნელობა აქვს. ამგვარად, ეს საკითხი აუცილებლად შევა მოლაპარაკებების დღის წესრიგში“, – განუცხადა სარქისიანმა ჟურნალისტებს თბილისის აეროპორტში.
სომხეთის ეროვნული უშიშროების საბჭოს მდივანი შეხვედრებს გამართავს თავის ქართველ კოლეგასთან, საქართველოს ეროვნული უშიშროების საბჭოს მდივანთან ვანო მერაბიშვილთან, პრეზიდენტ სააკაშვილთან და პრემიერ-მინისტრ ზურაბ ჟვანიასთან.