სამშვიდობოების მანდატი ამოიწურა

(თბილისი, 7 ივლისი , 2003, სივილ ჯორჯია) – დსთ-ს სამშვიდობოების მანდატი აფხაზეთის კონფლიქტის ზონაში 6 ივლისს ამოიწურა.

საქართველოს საგარეო საქმეთა სამინისტროს ცნობით, ქართულმა მხარემ უკვე გაგზავნა რუსეთში ყველა საჭირო დოკუმენტი მანდატის გაგრძელების თაობაზე, თუმცა პასუხი ჯერ არ მიუღია.

7 მარტს სოჭში გამართულ შეხვედრაზე რუსეთისა და საქართველოს პრეზიდენტებმა მიაღწიეს შეთანხმებას, რომლის მიხედვითაც, რუს სამშვიდობოებს შეუძლიათ დარჩნენ კონფლიქტის ზონაში, სანამ ერთ-ერთი მხარე არ მოითხოვს მათ გაყვანას.

ცოტა ხნის წინ პრეზიდენტმა შევარდნაძემ განაცხადა, რომ მანდატის გაგრძელებას ყოველ ექვს თვეში აზრი არ ჰქონდა, ხოლო სამშვიდობოები დევნილთა აფხაზეთში დაბრუნების გარანტიის მნიშველოვან ელემენტს წარმოადგენენ.

This post is also available in: English (ინგლისური) Русский (რუსული)