სააკაშვილის თქმით, შეიარაღებული ჯგუფები არჩევნების ჩასაშლელად ემზადებიან

(თბილისი, 4 თებერვალი, 2003, სივილ ჯორჯია) – თბილისის საკრებულოს თავმჯდომარემ მიხეილ სააკაშვილმა “ახალი მემარჯვენეების” ოფისზე გუშინ მოიმხდარი თავდასხმის კომენტირებისას განაცხადა, რომ ქალაქში 3-4 შეიარაღებული ჯგუფია, რომლებსაც მოახლოებული საპარლამენტო არჩევნების ჩაშლისთვის ამზადებენ.

“რუსთავ-2”-ის პირდაპირ ეთერში სააკაშვილმა განაცხადა, რომ არსებობს ე.წ. მეომართა კავშირი “ომი და მშვიდობა”, რომელსაც ქვემო ქართლის გუბერნატორი ლევან მამალაძე აკონტროლებს, ასევე არსებობს მეორე დაჯგუფება, რომელშიც 500-600 კარგად შეიარაღებული კაცია გაერთიანებული, და რომლებიც შს ყოფილ მინისტრს კახა თარგამაძეს ემორცილებიან.

სააკაშვილმა თქვა, რომ ამ ჯგუფებს საპარლამენტო არჩევნების ჩაშლისა და ძალადობრივი მმართველობის დასამყარებლად ამზადებენ.

This post is also available in: English (ინგლისური) Русский (რუსული)