ახალი ამბები
ბურჯანაძე მადრიდში აფხაზეთზე ისაუბრებს
(თბილისი, 1 ოქტომბერი, 2002, სივილ ჯორჯია) – 1 ოქტომბერს საქართველოს პარლამენტის თავმჯდომარე ნინო ბურჯანაძე მადრიდში გაემგზავრა, სადაც ეუთო-ს საპარლამენტო ასამბლეის სხდომაში მიიღებს მონაწილეობას.
მადრიდში ბურჯანაძე სიტყვით გამოვა აფხაზეთის კონფლიქტის ზონაში არსებულ მდგომარეობასთან დაკავშირებით.
ესპანეთში პარლამენტის თავმჯდომარეს თან ახლავს ვიცე-სპიკერი ვახტანგ ყოლბაია.
საქართველოს დელეგაცია თბილისში 7 ოქტომბერს დაბრუნდება.
