ახალი ამბები
წვრთნისა და აღჭურვის პროგრამის მესამე ფაზა დაიწყო
(თბილისი, “სივილ ჯორჯია”, 29 აგვისტო, 2002) – 11 საათზე კრწანისის სასწავლო ცენტრში “წვრთნისა და აღჭურვის” პროგრამის მე-3 ფაზის საზეიმო გახსნის ცერემონიალი გაიმართა. ცერემონიას საქართველოს პრეზიდენტი ედუარდ შევარდნაძე და თავდაცვის მინისტრი დავით თევზაძე დაესწრნენ.
“წვრთნისა და აღჭურვის” პროგრამის მე-3 ფაზა საშტაბო სწავლებების ტაქტიკური სწავლებებით შეცვლას ითვალისწინებს. სწავლებას 400 ქართველი სამხედრო გაივლის.
“წვრთნისა და აღჭურვის” პროგრამა ამერიკის მთავრობის დახმარებით მიმდინარეობს, რისთვისაც შეერთებული შტატებმა 64 მილიონი აშშ დოლარი გამოჰყო.