ახალი ამბები
ცენტრალურმა საარჩევნო კომისიამ ხმების 25% გადათვალა
(თბილისი, “სივილ ჯორჯია”, 27 აგვისტო, 2002) – ცენტრალურმა საარჩევნო კომისიამ თბილისში ჩატარებული ადგილობრივი არჩევნების შედეგების მხოლოდ 25% გადათვალა. საბოლოო შედეგები სექტემბრის ბოლოს გამოქვეყნდება.
ცენტრალური საარჩევნო კომისიის ცნობით, ხელახალი გადათვლის შედეგად თავდაპირველად მიღებული მონაცემები დიდად არ შეცვლილა.
თბილისში 2 ივნისს ჩატარებული ადგილობრივი არჩევნების შედეგები რამდენიმე პარტიამ გაასაჩივრა და ბიულეტენების ხელახალი გადათვლა მოითხოვა. სასამართლოში სარჩელი გამარჯვებულმა “ლეიბორისტული” და “ნაციონალური მოძრაობის” წარმომადგენლებმაც შეიტანეს.
