შინაგანი ჯარები პანკისში შევიდნენ
(თბილისი, “სივილ ჯორჯია”, 25 აგვისტო, 2002) – შინაგანი ჯარებისა და პოლიციის ქვედანაყოფები პანკისის ხეობის ყველა დასახლებულ პუნქტში შევიდნენ 25 აგვისტოს დღის მეორე ნახევარში, – იტყობინება “ინტერფაქსი”.
“პანკისის ხეობის დასახლებულ პუქტებში ანტიტერორისტული ოპერაციის მსვლელობისას არ ჩატარდება ე.წ. “წმენდა””, – განაცხადა “ინტერფაქსთან” საუბრისას სახელმწიფო საქართველოს უშიშროების მინისტრის მოადგილემ ლაშა ნაცვლიშვილმა. “კრიმინალური ელემენტების დადგენა და დაკავება ოპერატიული ინფორმაციის საფუძველზე მოხდება”, – აღნიშნა მან.
თავის მხრივ, კახეთის რეგიონალური პოლიციის უფროსმა ზურაბ თუშურმა განაცხადა, რომ დაიწყო სამუშაოები 7 საგუშაგოს ასაგებად სოფლებში: დედისფერული, ბიურკიანი, ხალაცანი, ყვარელისყალი და ომალო.
შსს-ის მონაცემებით, პანკისში ანტიკრიმინალური ოპერაციის პირველმა ეტაპმა ინცინდენტების გარეშე ჩაიარა.
