ახალი ამბები
რუსი მესაზღვრები აცხადებენ, რომ ორი დაკარგული მესაზღვრე შეიძლება საქართველოში გადაიყვანეს
(თბილისი, “სივილ ჯორჯია”, 25 აგვისტო, 2002) – რუსეთის საინფორმაციო საშუალებებმა გაავრცელეს რუსეთის ფედერალური სასაზღვრო სამსახურის წარმომადგენელთა განცხადება, რომ “შესაძლოა, ორი დაკარგული რუსი მესაზღვრე გაიტაცეს ჩეჩნებმა და საქართველოს ტერიტორიაზე გადაიყვანეს”.
პარასკევს რუსეთ-საქართველოს საზღვრის ინგუშეთის მონაკვეთზე რუსმა მესაზღვრეებმა დაკარგეს კავშირი თავიანთ თანამოსამსახურეთა პატრულთან. მოგვიანებით აღმოაჩინეს 8 მესაზღვრის გვამი, ორი უგზო-უკვლოდ დაიკარგა.
სააგენტო “ინტერფაქსმა” რუსეთის ფედერალური სასაზღვრო სამსახურის წარმომადგენელთა სიტყვებზე დაყრდნობით გაავრცელა ცნობა, რომ “ქართული მხარე ინფორმირებულია რუს მესაზღვრეთა დაკარგვის თაობაზე და რუსეთი იმედს ამყარებს ქართველ მესაზღვრეთა დახმარებაზე”.