საქართველოს ტერიტორია კვლავ დაბომბეს

(თბილისი, “სივილ ჯორჯია”, 5 აგვისტო, 2002) – საქართველოს სახელმწიფო საზღვრის დაცვის სახელმწიფო დეპარტამენტმა კვირას გაავრცელა ცნობა, რომ 4 აგვისტოს გამთენიისას საქართველოს ტერიტორია რუსეთ-საქართველოს საზღვრის ჩეჩნეთის მონაკვეთთან კვლავ დაიბომბა.

როგორც სასაზღვრო დეპარტამენტი აღნიშნავს, სავარაუდოდ, სუ-25-ის ტიპის სამმა რუსულმა ავიაგამანადგურებელმა საქართველო-რუსეთის საზღვარი 3.00-დან 5.00 სთ-მდე გადმოკვეთა და საქართველოს ტერიტორიაზე ბომბები ჩამოყარა.

ეს საქართველოს ტერიტორიის დაბომბვის უკვე მესამე შემთხვევა იყო გასული კვირის განმავლობაში. რუსეთის ხელისუფლება უარყოფს საქართველოს მიერ წაყენებულ ბრალდებებს დაბომბვასთან დაკავშირებით.