ახალი ამბები
რუსი სამშვიდობობები თბილისს კვლავ ჩეჩენი მეომრების მფარველობაში ადანაშაულებენ
(თბილისი. 22 ნოემბერი. სივილ ჯორჯია) – დ.ს.თ.-ის სამშვიდობო ძალების ხელმძღვანელი ნიკოლაი სიდორიჩევი აცხადებს, რომ ჩეჩენმა მეომრებმა დატოვეს აფხაზეთი და სვანეთში გადაინაცვლეს. ამის შესახებ მან დღეს ჭუბურხინჯში გამართულ ოთხმხრივი შეხვედრის დროს განაცხადა. სიდორიჩევმა სამშვიდობო ძალების ერთ-ერთი პოსტზე, 17 ნოემბერს განხორციელებულ თავდასხმაში სწორედ სვანეთში თავშეფარებული ჩეჩნები დაადანაშაულა. ოფიციალური თბილისი უარყოფს ბრალდებას და აცხადებს, რომ ჩეჩენი მეომრები არ იმყოფებიან საქართველოს ხელისუფლების მიერ კონტროლირებად ტერიტორიებზე.