ახალი ამბები
დღეს პრეზიდენტი გენერალური პროკურორის კანდიდატურას წარადგენს
(თბილისი. 19 ნოემბერი. სივილ ჯორჯია) – პრეზიდენტმა შევარდნაძემ განაცხადა, რომ დღეს გენერალური პროკურორის პოსტზე პარლამენტს ნუგზარ გაბრიჩიძის კანდიდატურას ოფიციალურად წარუდგენს. პრეზიდენტის მიერ ამ თანამდებობაზე გაბრიჩიძის დასახელება მოსალოდნელი იყო. ნუგზარ გაბრიჩიძე ამჟამად შინაგან საქმეთა სამინისტროს გენერალური ინსპექციის ხელმძღვანელია. მოსალოდნელია, რომ კანდიდატურას პარლამენტში მრავალი მოწინააღმდეგე გამოუჩნდება.