საქართველოს პრეზიდენტი თურქმენეთში გაემგზავრება

საქართველოს პრეზიდენტი გიორგი მარგველაშვილი პარასკევს აშხაბადში გაემგზავრება, სადაც მონაწილეობას მიიღებს გაეროს ეგიდით ორგანიზებულ მდგრადი ტრანსპორტის გლობალურ კონფერენციაში.

პრეზიდენტის ადმინისტრაციის ცნობით, გიორგი მარგველაშვილი 26 ნოემბერს სიტყვით მიმართავს კონფერენციაში მონაწილე 80-ზე მეტ საერთაშორისო დელეგაციას.

კონფერენციის ფარგლებში პრეზიდენტი მარგველაშვილი ორმხრივ შეხვედრებს გამართავს თურქმენ და ავღანელ კოლეგებთან, გურბანგული ბერდიმუხამედოვთან და აშრაფ ღანისთან, შესაბამისად და ასევე შეხვდება გაეროს გენერალურ მდივანს ბან კი მუნს.

This post is also available in: English (ინგლისური) Русский (რუსული)