ახალი ამბები
ივანიშვილი დეკემბერში აზერბაიჯანს ეწვევა
საქართველოს პრემიერ-მინისტრი ბიძინა ივანიშვილი დეკემბრის ბოლოს აზერბაიჯანში ოფიციალური ვიზიტით გაემგზავრება, იტყობინება ივანიშვილის პრესსამსახური.
ვიზიტის ფარგლებში, რომლის ზუსტი თარიღიც ამ ეტაპზე არ კონკრეტდება, ივანიშვილი აზერბაიჯანის პრეზიდენტთან ილამ ალიევთან და პრემიერ-მინისტრ არტურ რასიზადესთან გამართავს შეხვედრებს.
აზერბაიჯანის პრემიერ–მინისტრის ოფიციალური მიწვევა ბიძინა ივანიშვილს დღეს საქართველოში აზერბაიჯანის ელჩმა გადასცა.
ბაქოში სტუმრობა პრემიერ-მინისტრის რანგში მეორე საგარეო ვიზიტი იქნება ბიძინა ივანიშვილისთვის, რომელიც პირველი სამუშაო ვიზიტით ბრიუსელში 11-14 ნოემბერს იმყოფებოდა.
This post is also available in: English (ინგლისური) Русский (რუსული)