ახალი ამბები
საქართველოს რკინიგზის ტელეკომი 14.3 მილიონ აშშ დოლარად გაიყიდა
საერთაშორისო სატელეკომუნიკაციო კომპანიამ ”ლინქსტელეკომი” საქართველოს რკინიგზის ტელეკომის 100% 14.344 მილიონ აშშ დოლარად შეიძინა, განაცხადა საქართველოს რკინიგზამ.
რკინიგზის ტელეკომი, რომლის აუქციონიც 23 ნოემბერს გაიმართა, დაარსდა შპს ”საქართველოს რკინიგზის” მიერ. დამფუძნებელმა რკინიგზის ტელეკომს განკარგულებაში გადასცა ოპტიკურ-ბოჭკოვანი ქსელი, რომელიც განთავსებულია საქართველოს ტერიტორიაზე რკინიგზის ხაზის გასწვრივ და ფარავს ქვეყნის უმეტეს ნაწილს.
”ლინქსტელეკომი”, რომლის შტაბბინაც ამსტერდამში მდებარეობს, ორიენტირებულია ტელეკომუნიკაციების ბიზნესზე აღმოსავლეთ ევროპის და ბალტიისპირეთის ქვეყნებში, ასევე რუსეთში.
This post is also available in: English Русский