ახალი ამბები
აფხაზეთის სურვილია სეპარატისტების თანამშრომლობას მთიანი ყარაბაღიც შეუერთდეს
თვითგამოცხადებული აფხაზეთის პარლამენტის სპიკერის ნუგზარ აშუბას განცხადებით, სოხუმის სურვილია მთიანი ყარაბაღიც შეუერთდეს აფხაზეთის, სამხრეთ ოსეთისა და დნესტრისპირეთის დე ფაქტო პარლამენტების თანამშრომლობას, რაზეც შეთანხმება მოსკოვში 4 ივლისს გაფორმდა.
“აფხაზეთი ყველანაირად შეეცდება და მიესალმება მთიანი ყარაბაღის შემოერთებას სამი რესპუბლიკის თანამშრომლობასთან, რომლებიც დამოუკიდებელ სახელმწიფოებს აშენებენ“, – იუწყება”აფსნიპრესი“ მოსკოვიდან დაბრუნებული ნუგზარ აშუბას სიტყვებზე დაყრდნობით.
აშუბას ინფორმაციით, სეპარატისტებს შორის შეთანხმებას თვითგამოცხადებული რესპუბლიკების საპარლამენტო ასამბლეის შექმნა მოჰყვება, რადგანაც “ჩვენ ბევრი საპარლამენტო ასამბლეის კარზე მივაკაკუნეთ, მაგრამ ცალკ–ცალკე არ გვიღებენ“.