კამინინი: ნატოს ღია კარის პოლიტიკა მგრძნობიარე საკითხია

რუსეთის საგარეო საქმეთა სამინისტროს ოფიციალურმა წარმომადგენელმა მიხეილ კამინინმა 27 აპრილს საინფორმაციო სააგენტო “რია ნოვოსტი“-სთან ინტერვიუში განაცხადა, რომ ნატოს ღია კარის პოლიტიკა “მგრძნობიარე საკითხია“ მოსკოვისთვის, “განსაკუთრებით უკრაინასთან და საქართველოსთან მიმართებაში“.

მან ასევე განაცხადა, რომ რუსეთს მოუწევს თავისი სამხედრო პოტენციალის “რეორიანტაცია“ ნატოს გაფართოების შემთხვევაში.

“მნიშვნელოვანი რესურსები გახდება საჭირო [რუსეთისთვის] სამხედრო პოტენციალის სწორად რეორიენტაციისა და სამხედრო-სამრეწველო ურთიერთობების სისტემის რეორგანიზაციის მიზნით“, – განაცხადა კამინინმა.  
 

This post is also available in: English (ინგლისური) Русский (რუსული)