საქართველოს თავდაცვის მინისტრი უკრაინის საკონტაქტო ჯგუფის შეხვედრაში მონაწილეობდა

18 ივლისს, საქართველოს თავდაცვის მინისტრმა, ჯუანშერ ბურჭულაძემ უკრაინის თავდაცვის საკონტაქტო ჯგუფის მორიგ, მე-14 შეხვედრაში მიიღო მონაწილეობა. შეხვედრა დისტანციურ ფორმატში გაიმართა და მას აშშ-ის თავდაცვის მდივანმა, ლოიდ ოსტინმა უმასპინძლა.

თავდაცვის სამინისტროს პრეს-რელიზის თანახმად, ნატოს გენერალური მდივანი იენს სტოლტენბერგი, ევროკავშირის საგარეო საქმეთა და უსაფრთხოების პოლიტიკის უმაღლესი წარმომადგენელი, ევროკომისიის ვიცე-პრეზიდენტი ჯოზეფ ბორელი და ავსტრალიის ვიცე-პრემიერი რიჩარდ მარლსი შეხვედრაზე სიტყვით გამოვიდნენ. 

ამავე ინფორმაციით, შეხვედრის მონაწილეებმა უკრაინაში რუსეთის აგრესიის შედეგად შექმნილი ვითარება და მიმდინარე ომში უკრაინისთვის კოორდინირებული სამხედრო დახმარების გაწევის საჭიროებები განიხილეს.

უკრაინის საკონტაქტო ჯგუფი ამერიკის შეერთებული შტატების ინიციატივით 2021 წლის აპრილში ჩამოყალიბდა და უკრაინის მხარდამჭერ 50-ზე მეტ ქვეყანას აერთიანებს.

ასევე წაიკითხეთ:

• 15/06/2023 – თავდაცვის მინისტრმა უკრაინის თავდაცვის საკონტაქტო ჯგუფის შეხვედრაში მიიღო მონაწილეობა
• 25/05/2023 – საქართველოს თავდაცვის მინისტრი უკრაინის საკონტაქტო ჯგუფის შეხვედრაში მონაწილეობდა
• 21/04/2023 – ჯუანშერ ბურჭულაძე უკრაინის საკონტაქტო ჯგუფის შეხვედრაში მონაწილეობდა
• 15/03/2023 – ჯუანშერ ბურჭულაძემ უკრაინის საკონტაქტო ჯგუფის შეხვედრაში მიიღო მონაწილეობა

This post is also available in: English (ინგლისური) Русский (რუსული)