ილია დარჩიაშვილი ესპანელ კოლეგას შეხვდა
საქართველოს საგარეო საქმეთა მინისტრი, ილია დარჩიაშვილი, მადრიდში ვიზიტის ფარგლებში, 25 ნოემბერს, ესპანელ კოლეგას, ხოსე მანუელ ალბარესს შეხვდა და სხვა საკიხთხებთან ერთად, „ორ ქვეყანას შორის არსებულ ნაყოფიერ თანამშრომლობაზე“ იმსჯელა.
საქართველოს საგარეო საქმეთა სამინისტროს რელიზის თანახმად, შეხვედრაზე მხრეებმა განსაკუთრებული ყურადღება დაუთმეს საქართველოს ევროპულ და ევროატლანტიკურ სტრუქტურებში ინტეგრაციის საკითხს.
Delighted to hold a meeting with my Spanish counterpart @jmalbares. Welcomed the positive dynamics of 🇬🇪-🇪🇸 cooperation and exchanged views on the prospects for its further development. Accentuated 🇬🇪's European aspirations and importance of Spain's support on this path. pic.twitter.com/e9C736W6Tz
— Ilia Darchiashvili (@iliadarch) November 25, 2022
ამ კონტექსტში, მათ ევროკავშირის წევრობის კანდიდატის სტატუსის მისაღებად საქართველოს მხრიდან ევროკომისიის მიერ გაცემულ 12-პუნქტიანი რეკომენდაციების შესრულება მიმოიხილეს. ილია დარჩიშვილმა საქართველოს ევროკავშირში ინტეგრაციის გზაზე ესპანეთის მტკიცე მხარდაჭერის მნიშვნელობას გაუსვა ხაზი.
მათვე საქართველო-ნატოს თანამშრომლობა და საერთაშორისო უსაფრთხოების განმტკიცებაში საქართველოს როლი და კონტრიბუციაც აღნიშნეს.
თავის მხრივ, ხოსე მანუელ ალბარსმა ქართველ კოლეგასთან შეხვედრის შემდეგ, Twitter-ზე დაწერა, რომ მათ ორმხრივი ურთიერთობების გაღრმავებაზე, ასევე რეგიონულ და საერთაშორისო ვითარებაზე იმსჯელეს.
ესპანეთის საგარეო საქმეთა მინისტრმა აღნიშნა, რომ მისი ქვეყანა მხარს უჭერს საქართველოს ევროპულ მისწრფებებს.
Productiva reunión con mi homólogo de Georgia @iliadarch para continuar profundizando nuestras relaciones bilaterales. Hemos analizado la situación regional e internacional, y le he reiterado que España apoya las aspiraciones europeas de Georgia.
🇪🇸🇬🇪 pic.twitter.com/2Ebibth2jp— José Manuel Albares (@jmalbares) November 25, 2022
ასევე წაიკითხეთ:
- 25/11/2022 – ილია დარჩიაშვილი მოლდოვას სტუმრობს
This post is also available in: English (ინგლისური) Русский (რუსული)
