თბილისი ყარაბაღის შეთანხმებას მიესალმება 

საქართველოს პრეზიდენტი სალომე ზურაბიშვილი და საგარეო საქმეთა სამინისტრო მიესალმნენ 10 ოქტომბერს მთიან-ყარაბაღში ცეცხლის შეწყვეტის შესახებ დადებულ შეთანხმებას.

„მივესალმები მთიან ყარაბაღში ცეცხლის შეწყვეტას და [მხარეებს] სამშვიდობო მოლაპარაკებების განახლებისკენ მოვუწოდებ. ხანგრძლივი მშვიდობა და სტაბილურობა ჩვენი რეგიონისთვის ერთადერთი მისაღები მომავალია“, – დაწერა სალომე ზურაბიშვილმა Twitter-ზე.

საქართველოს საგარეო საქმეთა სამინისტრომ იმედი გამოთქვა, რომ „შემდგომი მოლაპარაკებების გზით მოხერხდება პროგრესის მიღწევა კონფლიქტის დარეგულირების საკითხებში და მყარი მშვიდობის დამყარება, რაც ხელს შეუწყობს მთელი რეგიონის უსაფრთხოების განმტკიცებასა და კეთილდღეობას“.

სომხეთი და აზერბაიჯანი ცეცხლის შეწყვეტაზე 10 ოქტომბერს დილის საათებში, მას შემდეგ შეთანხმდნენ, რაც მოსკოვში რუსეთის, სომხეთისა და აზერბაიჯანის საგარეო საქმეთა მინისტრების მონაწილეობით 11 საათიანი მოლაპარაკებები გაიმართა. 

ცეცხლის შეწყვეტის შესახებ შეთანხმება ძალაში 10 ოქტომბერს შუადღიდან შევიდა, თუმცა საომარი მოქმედებები მალევე განახლდა. შეთანხმების უგულვებელყოფაში ერევანმა და ბაქომ ერთმანეთის დადანაშაულება დაიწყეს. 

მთიან ყარაბაღში საომარი მოქმედებები 27 სექტემბერს განახლდა, რაშიც ერევანი და ბაქო ერთმანეთს ადანაშაულებენ.

მთიანი ყარაბაღის კონფლიქტთან მიმართებით საქართველოში განვითარებულ მოვლენებზე დეტალებისთვის ასევე წაიკითხეთ:

• სომხეთის ოფიციალური პირის თქმით, საქართველო დეზინფორმაციის სამიზნე გახდა
• სომხეთის საელჩო: დეზინფორმაციაა, რომ საქართველო ერევნისკენ ჰუმანიტარულ დახმარებას არ ატარებს
• ახალქალაქის მიტროპოლიტი ყარაბაღში მშვიდობისკენ მოუწოდებს
• შსს სომხეთთან დამაკავშირებელი საერთაშორისო კაბელების დაზიანებას იძიებს
• თბილისის მკვიდრმა ეთნიკურად სომეხმა მოქალაქეებმა „მთავარ არხთან“ აქცია გამართეს
• გიორგი გახარია: თბილისი მზად არის ერევანსა და ბაქოს შორის დიალოგს უმასპინძლოს
• ენზელ მკოიანი აზერბაიჯანსა და თურქეთს ყარაბაღის კონფლიქტის გამო აკრიტიკებს
• ქართველი პოლიტიკოსები მთიან ყარაბაღში განვითარებულ მოვლენებზე
• საქართველოს ეთნიკურად აზერბაიჯანელი დეპუტატები ყარაბაღის კონფლიქტში ბაქოს მხარდაჭერას უცხადებენ
• მედია: ჯავახეთის ეთნიკურმა სომხებმა მთიან ყარაბაღში სურსათი გაგზავნეს
• საგარეო საქმეთა სამინისტრო სომხეთ-აზერბაიჯანის შეტაკებებს ეხმაურება
• საქართველოს პრეზიდენტი სომხეთსა და აზერბაიჯანს მშვიდობისკენ მოუწოდებს

This post is also available in: English (ინგლისური) Русский (რუსული)