ახალი ამბები

პრემიერ-მინისტრმა ახალი ბიზნესომბუდსმენი დანიშნა

Tags

საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე განაცხადა, რომ ახალ ბიზნესომბუდსმენად მიხეილ დაუშვილი დაინიშნა.

მთავრობის პრესსამსახურის ინფორმაციით, მიხეილ დაუშვილი შინაგან საქმეთა სამინისტროს საინფორმაციო-ანალიტიკურ დეპარტამენტს ხელმძღვანელობდა, ხოლო მანამდე ამავე დეპარტამენტის დირექტორის მოადგილე და შინაგან საქმეთა სამინისტროს ადმინისტრაციის უფროსის მოადგილე იყო.

„ყველას უნდა გვესმოდეს, რომ ბიზნესის მხარდაჭერა, იქ, სადაც ამის საშუალებას კანონი გვაძლევს, იქნება ბატონი მიხეილის ძირითადი ამოცანა და დარწმუნებული ვარ, რომ ის ღირსეულად გაართმევს თავს ამ ამოცანას“, – განაცხადა ახალი ბიზნესომბუდსმენის წარდგენისას გიორგი გახარიამ.

ბიზნესომბუდსმენის ინსტიტუტი, რომელიც 2015 წლამდე საგადასახადო ომბუდსმენის სახელით იყო ცნობილი, 8 წლის წინ საქართველოს მთავრობის ინიციატივით შეიქმნა.

ომბუდსმენს თანამდებობაზე საქართველოს პრემიერ-მინისტრი, პარლამენტის თავმჯდომარის თანხმობით, ნიშნავს.

წინა ბიზნესომბუდსმენი ირაკლი ლექვინაძე თანამდებობიდან 11 ნოემბერს გადადგა.

This post is also available in: English (ინგლისური) Русский (რუსული)

Related Articles

Back to top button