ახალი ამბები

წინასწარი მონაცემებით, საარჩევნო ოლქების უმრავლესობაში ქართული ოცნება ლიდერობს

ცენტრალური საარჩევნო კომისიის პირველადი წინასწარი შედეგების მიხედვით, 2019 წლის 19 მაისის შუალედურ და რიგგარეშე არჩევნებზე, საარჩევნო უბნების უმრავლესობაში ქართული ოცნების კანდიდატები ლიდერობენ.

პირველადი მონაცემების მიხედვით, რომელიც ბრიფინგზე ცესკო-ს თავმჯდომარემ თამარ ჟვანიამ წარმოადგინა, მერების რიგგარეშე არჩევნებს ქართული ოცნება ყველა საარჩევნო ოლქში იგებს. პირველი ორ ლიდერ კანდიდატებს შორის პროცენტული მაჩვენებლები კი ასე გადანაწილდა:

  • ზუგდიდი – გიორგი შენგელია – ქართული ოცნება – 54.45 %, სანდრა-ელისაბედ რულოვსი – ერთიანი ნაციონალური მოძრაობა-გაერთიანებული ოპოზიცია – 42.75%;
  • მარნეული – ზაურ დარგალი – ქართული ოცნება – 79.8%, აგილ მუსტაფაევი – ერთიანი ნაციონალური მოძრაობა-გაერთიანებული ოპოზიცია – 11.06%;
  • ზესფაფონი – გიორგი გოგლიჩიძე – ქართული ოცნება – 50.57%, ბაქარ ხიჯაკაძე – ერთიანი ნაციონალური მოძრაობა-გაერთიანებული ოპოზიცია – 34.29%;
  • ჭიათურა – გივი მოდებაძე – ქართული ოცნება – 64.37%, ზურაბ კუპატაძე – დამოუკიდებელი კანდიდატი – 18.1%;
  • ხულო – ვახტანგ ბერიძე – ქართული ოცნება – 70.91%, ირაკლი ჯორბენაძე – ერთიანი ნაციონალური მოძრაობა-გაერთიანებული ოპოზიცია – 23.74%.

თამარ ჟვანიას განცხადებით, მთაწმინდის მაჟორიტარულ ოლქში. მეორე ტურის ალბათობა იკვეთება, სადაც ერთმანეთს ქართული ოცნებისა და ევროპული-საქართველო-თავისუფალი დემოკრატების კანდიდატები – ვლადიმერ კახაძე და შალვა შავგულიძე დაუპირისპირდებიან. წინასწარი შედეგების მიხედვით, პირველმა მათგანმა ხმების – 41.28%, მეორე კი – 36.72% მიიღო. არჩევნების მეორე ტური უნდა დაინიშნოს არაუგვიანეს 13 ივნისისა.

რაც შეეხება საკრებულოების მაჟორიტარი დეპუტატების არჩევნებს, ცესკო-ს ჯერ ოფიციალური წინასწარი პირველადი შედეგები არ გამოუქვეყნებია. თუმცა, საარჩევნო ადმინისტრაციის ვებგვერდზე ატვირთული შემაჯამებელი ოქმების მიხედვით, ყველა საარჩევნო ოლქს ქართული ოცნების კანდიდატები იგებენ.

საარჩევნო უბნები ზუსტად 8 საათზე დაიხურა. ამ მომენტისთვის ხმების დათვლის პროცესი გრძელდება.

2019 წლის 19 მაისის შუალედური და რიგგარეშე არჩევნები 14 საარჩევნო ოლქში ჩატარდა და 402 019 ამომრჩევლისთვის ჯამში 410 უბანი გაიხსნა. ამომრჩევლის საერთო აქტივობა 43.1% იყო.

This post is also available in: English (ინგლისური) Русский (რუსული)

Back to top button