ახალი ამბები
კახა ლომაია გაეროში საქართველოს ელჩი გახდება
ეროვნული უშიშროების საბჭოს მდივანმა კახა ლომაიამ 16 დეკემბერს დაადასტურა, რომ იგი წარადგინეს საქართველოს ელჩად გაეროში.
პარლამენტის მიერ დამტკიცების შემდეგ ლომაია ამ პოსტზე ირაკლი ალასანიას შეცვლის. ამ უკანასკნელმა განცხადება თანამდებობის დატოვების შესახებ 4 დეკემბერს დაწერა.
იმავდროულად, საქართველოს თავდაცვის მინისტრის მოადგილე ბათუ ქუთელია, სავარაუდოდ, საქართველოს ელჩი გახდება ამერიკის შეერთებულ შტატებში. ელჩის თანამდებობა მას შემდეგ გახდა ვაკანტური, რაც ყოფილი ელჩი დავით სიხარულიძე თავდაცვის მინისტრად დაინიშნა. ქუთელიას მინისტრის მოადგილის პოსტზე, როგორც მოსალოდნელია, სასჯელაღსრულების დეპარტამენტის უფროსი ბაჩო ახალაია შეცვლის.
This post is also available in: English Русский