სააკაშვილი მიუნხენში ივანოვს შეხვდა

პრეზიდენტი სააკაშვილი რუსეთის პირველ ვიცე-პრემიერ სერგეი ივანოვს შეხვდა 10 თებერვალს უსაფრთხოების საკითხებზე მიუნხენის კონფერენციის ფარგლებში, იტყობინება რუსული მედია.

შეხვედრის შემდეგ მიხეილ სააკაშვილმა დაადასტურა, რომ ის აპირებს მოსკოვში გამგზავრებას დსთ-ს ლიდერთა არაფორმალურ სამიტზე დასასწრებად და რუს კოლეგასთან ვლადიმერ პუტინთან შესახვედრად, იუწყებიან ”რია ნოვოსტი” და ”იტარ-ტასსი”.

”მე დავადასტურე ჩემი მონაწილეობა [დსთ-ს არაფორმალურ სამიტში] და მე აუცილებლად ჩავალ მოსკოვში და ვისაუბრებ, მათ შორის პრეზიდენტ ვლადიმერ პუტინთან,”- განაცხადა სააკაშვილმა.

”ეს იქნება კარგი შესაძლებლობა  ორმხრივი ურთიერთობების გეგმების განსახილველად არაფორმალურად,”- განაცხადა ივანოვმა სააკაშვილთან შეხვედრის შემდეგ, ”რუსეთი ასევე ესწრაფვის ჩვენი ურთიერთობების კრიზისიდან გამოყვანას”. 

This post is also available in: English (ინგლისური) Русский (რუსული)