ლავროვი მოუწოდებს თბილისს არ დაუშვას შეთანხმებების დარღვევა

რუსეთის საგარეო საქმეთა მინისტრი სერგეი ლავროვი მოუწოდებს საქართველოს კოდორის ხეობაში მიმდინარე სპეცოპერაციის გამო არ დაუშვას არსებული შეთანხმებების დარღვევა, იუწყება 26 ივლისს “რია ნოვოსტი“.

“ჩვენ ძალიან დიდი ყურადღებით ვაკვირდებით სიტუაციის განვითარებას [კოდორის ხეობაში] და გავაფრთხილეთ ჩვენი ქართველი კოლეგები, რომ დაუშვებელია შეთანხმებების დარღვევა“, – განაცხადა ლავროვმა.

მისი თქმით, ქართული კოლონა კოდორის ხეობაში კონფლიქტის ზონაში იმ რეჟიმის დარღვევით გადაადგილდა, რომელიც შეთანხმებულია ყველა მხარეს შორის და კონტროლდება დსთ–ს სამშვიდობო კონტიგენტის მიერ.

This post is also available in: English (ინგლისური) Русский (რუსული)