სააკაშვილი გმობს პესიმისტურ განწყობებს

22 ივლისს ეთნოგრაფიულ მუზეუმში ვიზიტის დროს პრეზიდენტმა სააკაშვილმა დაგმო გარკვეული ძალების მიერ ქართულ საზოგადოებაში პესიმიზმის დანერგვის მცდელობები.

“საქართველოში ორი საწყისი იბრძვის – პანიკის, ცინიზმის, საკუთარ ძალებში სრული ურწმუნობის და მეორე – ის ხალხი, ვინც დღეს კუს-ტბაზე მღერის, ცალ ხელში ხმალი უჭირავს, მეორე ხელით ხნავს, ერთის მხრივ ემღერება და მეორეს მხრივ ყველაზე უარესისათვის ემზადება. ასეთი საქართველო ყოველთვის გამარჯვებული იქნება“, – განაცხადა სააკაშვილმა.

ცოტა ხნის წინ ოპოზიციური პარტიების კრიტიკის საპასუხოდ, ხელისუფლებამ და მმართველმა პარტიამ ოპონენტები “საზოგადოებაში უიმედობის დანერგვაში“ დაადანაშაულეს.

This post is also available in: English Русский