![](https://civil.ge/wp-content/uploads/2020/10/%E1%83%98%E1%83%9C%E1%83%A4%E1%83%9A%E1%83%90%E1%83%AA%E1%83%98%E1%83%90-%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A8%E1%83%98-%E1%83%A1%E1%83%94%E1%83%A5%E1%83%A2%E1%83%94%E1%83%9B%E1%83%91%E1%83%94%E1%83%A0%E1%83%98-2020.pdf.png)
საქსტატი: სექტემბერში წლიური ინფლაცია 3.8% იყო
სტატისტიკის ეროვნული სამსახურის მიერ 2 ოქტომბერს გამოქვეყნებული მონაცემების მიხედვით, სექტემბერში წლიური ინფლაცია 3.8% იყო, წინა თვესთან შედარებით კი, ფასები 0.07%-ით გაიზარდა.
საქსტატის ინფორმაციით, წლიური ინფლაციის ჩამოყალიბებაზე გავლენა იქონია ფასების ცვლილებამ შემდეგ ჯგუფებში: სურსათი და უალკოჰოლო სასმელების ჯგუფში ფასები 6.3%-ით გაიზარდა, ალკოჰოლური სასმელებისა და თამბაქოს ჯგუფში ფასების მატებამ 8.9% შეადგინა. ფასები გაიზარდა როგორც თამბაქოს ნაწარმზე (13.3%), ისე ალკოჰოლურ სასმელებზე (5.1%). ფასები ასევე გაიზარდა ჯანმრთელობის დაცვის ჯგუფში (7.5%) და სხვადასხვა საქონლის და მომსახურების ჯგუფში (9.1%).
ყოველთვიური ინფლაციის მაჩვენებელზე ძირითადი გავლენა კი შემდეგ ჯგუფებში ფასების ცვლილებამ იქონია: სურსათი და უალკოჰოლო სასმელები (0.5%-იანი ზრდა), ტრანსპორტი (1.9%-იანი ზრდა), ჯანდაცვა (1.8%-იანი ზრდა) და ტანსაცმელი და ფეხსაცმელი (2.4%-იანი ზრდა).