განახლება: ეროვნული ბანკის ვიცე-პრეზიდენტები და მრჩეველი თანამდებობას ტოვებენ

ეროვნული ბანკის ოთხიდან სამმა ვიცე-პრეზიდენტმა, პაპუნა ლეჟავამ, არჩილ მესტვირიშვილმა და ნიკოლოზ გაგუამ, რომლებიც ასევე საბჭოს წევრები იყვნენ, თანამდებობები დატოვეს მას შემდეგ, რაც 19 სექტემბერს ეროვნულმა ბანკმა საერთაშორისო სანქციების აღსრულების რეგულაციებში ცვლილების შეტანის გადაწყვეტილება მიიღო. თანამდებობა დატოვა ასევე ეროვნული ბანკის პრეზიდენტის მრჩეველმა, გიორგი ბაქრაძემ.

“ვერ ვიქნები იმ გადაწყვეტილების მონაწილე, რომელზეც არც გავლენა მაქვს და არც ვეთანხმები”, – უთხრა მესტვირიშვილმა bm.ge-ს.

ეროვნული ბანკის ახალი გადაწყვეტილებით აშშ-ის მიერ სანქცირებულ ოთარ ფარცხალაძეს საბანკო აქტივებზე წვდომა და ფინანსური ტრანზაქციების შესრულება აღარ შეეზღუდება.

ასევე წაიკითხეთ:

• 20/09/2023 – ქართული ბანკები ფარცხალაძეზე ეროვნული ბანკის გადაწყვეტილებას ეხმიანებიან
• 19/09/2023 – ეროვნული ბანკი პოზიციას ცვლის და ფარცხალაძეს ემხრობა
• 14/09/2023 – აშშ-მა ოთარ ფარცხალაძეს სანქციები დაუწესა

This post is also available in: English (ინგლისური) Русский (რუსული)