მარაბდა-ახალქალაქის სარკინიგზო მონაკვეთზე ინციდენტისას ერთი ადამიანი გარდაიცვალა, ერთი დაშავდა
ბაქო-თბილისი-ყარსის რკინიგზის მარაბდა-ახალქალაქის მშენებარე მონაკვეთზე მიმდინარე სამშენებლო სამუშაოებისას ერთი ადამიანი გარდაიცვალა, ერთი კი – დაშავდა. ინფორმაციას შპს „მარაბდა-კარწახის რკინიგზა“ ავრცელებს.
- 31/10/2017 – აზერბაიჯანის, საქართველოს და თურქეთის ლიდერებმა ბაქო-თბილისი-ყარსის სარკინიგზო მაგისტრალი გახსნეს
ამავე ინფორმაციით, სამუშაოებს ასრულებს აზერბაიჯანული კომპანია – „აზერბაიჯანის რკინიგზის ფილიალი საქართველოში“ და გარდაცვლილიც და დაშავებულიც აზერბაიჯანის მოქალაქეები არიან.
შპს „მარაბდა-კარწახის რკინიგზის“ ცნობით, წალკა-თრიალეთის სამშენებლო მონაკვეთზე დაზიანებულია სამშენებლო მოძრავი შემადგენლობა – სარელსო ტექნიკა და ეს მონაკვეთი სამატარებლო მიმოსვლისთვის დაკეტილია.
კომპანიის განცხადებაში მომხდარის შესახებ დეტალები დაზუსტებული არ არის. „რადიო თავისუფლების“ ცნობით, შემთხვევა გუშინ, 26 მაისს მოხდა, რა დროსაც სამშენებლო სამუშაოებისას რელსებიდან ე.წ. ტექნიკური მატარებელი გადავიდა.
ამავე ინფორმაციით, მომხდარზე საქართველოს შინაგან საქმეთა სამინისტრომ გამოძიება სისხლის სამართლის კოდექსის 275-ე მუხლით და დაიწყო, რაც რკინიგზის უსაფრთხოების ან ექსპლუატაციის წესების დარღვევას გულისხმობს.
ასევე წაიკითხეთ:
- 01/08/2011 – მცხეთის მახლობლად სატვირთო მატარებელი რელსებიდან გადავარდა
- 29/01/2003 – სამტრედიის რაიონში სამი ცისტერნა ნავთობი დაიღვარა
This post is also available in: English (ინგლისური) Русский (რუსული)