პრეზიდენტი უკრაინის მიერ ხერსონის დაბრუნებაზე – „ქართველ ხალხს თქვენთან ერთად უხარია!“
საქართველოს პრეზიდენტი, სალომე ზურაბიშვილი უკრაინის მიერ ქალაქ ხერსონის დაბრუნებასა და მასზე კონტროლის აღდგენას მიესალმა და თქვა, რომ „ეს უკრაინის ერთობისა და გამძლეობის შედეგია“.
„ეს მნიშვნელოვანი ნაბიჯია საკუთარი სუვერენიტეტისა და ტერიტორიული მთლიანობის აღსადგენად“, – დაწერა პრეზიდენტმა ზურაბიშვილმა 11 ნოემბერს Twitter-ზე და დასძინა, რომ „ქართველ ხალხს თქვენთან ერთად უხარია!“.
I welcome Ukraine taking back Kherson. This is the result of Ukraine’s unity and resilience. A major step towards restoring its sovereignty and integrity. The Georgian people rejoice with you.#SlavaUkraini
— Salome Zourabichvili (@Zourabichvili_S) November 11, 2022
რამდენიმეთვიანი ოკუპაციის შემდეგ, რუსული სამხედრო შენაერთების ქალაქ ხერსონიდან უკან დახევის შესახებ რუსეთის თავდაცვის მინისტრმა, სერგეი შოიგუმ 9 ნოემბერს განაცხადა. უკვე 11 ნოემბერს, ქალაქში უკრიაინული არმია შევიდა და მასზე კონტროლი სრულად აღადგინა.
ხერსონის ოლქი, ზაპოროჟიეს ოლქის ნაწილთან, ასევე დონეცკისა და ლუგანსკის ოლქებთან ერთად, ერთ-ერთია, რომელთა ფორმალური ანექსიაც რუსეთმა სექტემბერში მოახდინა, რაც მკაცრად დაგმეს ოფიციალურმა კიევმა და საერთაშორისო თანამეგობრობამ.
ასევე წაიკითხეთ:
- 30/09/2022 – სალომე ზურაბიშვილი გმობს რუსეთის მიერ უკრაინის 4 რეგიონის „ძალისმიერ ანექსიას“
- 27/09/2022 – სალომე ზურაბიშვილი უკრაინის ოკუპირებულ რეგიონებში მიმდინარე „რეფერენდუმებს“ გმობს
This post is also available in: Русский (რუსული)
